Arben Ahmetaj tashmë në cilësinë e kryetarit të Komisionit të Ekonomisë e ka thënë fjalën e tij sa i takon rritjes së tarifave nga stomatologët.
“Jo rritjes së tarifave nga stomatologët! Çmimet nuk vendosen me logjikë karteli! Vendimi i Urdhrit të Stomatologut për rritjen e tarifave të shërbimit, është abuzim me qytetarët.
Për më tepër, është i pa bazuar në ligj, ndaj nuk duhet zbatuar”, shkruan Ahmetaj në faqen e tij zyrtare.
Stomatologët kërkonin dyfishimin e shërbimeve dentare por një gjë e tillë është refuzuar edhe nga ministria e Shëndetësisë.