Rusia i ka ndaluar hyrjen në vend kryeministrit të Irlandës, Micheal Martin dhe 51 politikanëve të tjerë irlandezë.
Sipas “Reuters” sanksionet vijnë pas akuzave të Moskës, se Dublini po zhvillon një fushatë agresive propagandistike anti-ruse. Kryeministri irlandez po mbante një fjalim, kur u dha lajmi se ishte sanksionuar nga Kremlini.
“Unë nuk mendoj se jam sanksionuar ndonjëherë më parë. Sanksionet ishin pjesë e një lufte më të gjerë propagandistike që po zhvillohej nga Rusia dhe kërkohet gjithmonë maturi në situata të tilla”, tha Micheal Martin.
Si një anëtare e Bashkimit Evropian, Irlanda i është bashkuar sanksioneve kundër Rusisë që prej luftës në Ukrainë.