Ish-deputetja Rudina Hajdari ka kujtuar të atin Azem Hajdarin në 24-vjetorin e vrasjes së tij.
Rudina Hajdari së bashku me vajzën dhe familjen e saj kanë vendosur kurora me lule në memorialin e Azem Hajdarit.
Ndër të tjera ish-deputetja bëri thirrje për protestë teksa tha “nëse Azemi kishte guxim ti bënte atëherë dhe ne mundemi tani”.
“Shqipëria po kontrollohet nga një grup njerëzish me në krye Edi Ramën që po uzurpojnë të gjitha pushtetet ndërsa shqiptarët kanë humbur shpresat se ndryshimi po vjen. Azemi është figura ku mund të frymëzohemi e motivohemi. Ai në 1990 u çua për të sjellë ndryshimin. Mesazhi im është për të rinjtë që duan të ndërtojnë jetën këtu.
Hajde të organizohemi, të ngrihemi, të luftojmë e guxojmë për ëndrrat e idealet tona. Të fitojmë betejat tona për më shumë liri, demokraci e meritokraci. Nëse Azemi kishte guxim ti bënte atëherë dhe ne mundemi" tha Hajdari.