Hapësire reklamuese

Çështjet kryesore

Politikë

Rudina Hajdari: Këshilloj SPAK-un të nisë hetimin për faktet e shpalosura për aferën Rama-McGonigal

Shkruar nga Newsbomb
Rudina Hajdari: Këshilloj SPAK-un të nisë hetimin për faktet

Ish-deputetja Rudina Hajdari ka thënë se protesta e 11 shkurtit është një matës i mirë i  pakënaqësisë që qytetarët kanë ndaj qeverisë.

Ajo u shpreh në një intervistë për “Ora neës” se protesta ka një mesazh shumë të qartë: “dorëheqjen e Edi Ramës sepse ai përmes aferës "McGonigal" ka shpërdoruar postin kryeministror”.

Mes të tjerash ajo këshillon SPAK të hapë një hetim me faktet që janë shpalosur në medie.

Hajdari: Protestat janë një matës i mirë i pakënaqësisë që qytetarët kanë ndaj qeverisë dhe sidomos në prag zgjedhjesh dhe kur opozita ka humbur të gjithë mekanizmat e kontrollit të qeverisjes. Në 11 shkurt protesta ka një mesazh shumë të qartë, dorëheqjen e Edi Ramës sepse ai përmes aferës "McGonigal" ka shpërdoruar postin kryeministror për të shtyrë axhendën e tij më tutje. Ka shumë besim te drejtësia amerikane që do t’i shkojë deri në fund por do të këshilloja dhe SPAK të hapnin një hetim vetëm me ato fakte që janë shpalosur në mediat më prestigjoze ndërkombëtare.

Teksa është pyetur nëse McGonigal ka pasur ndikim edhe në shpalljen non grata të Berishës, ajo u shpreh:

Hajdari: Ajo çka ishte e çuditshme është si mund të vendoset një non grata pas 8-9 vitesh në opozitë dhe nuk është aktiv në politikë. Nuk u kuptua nga erdhi dhe mënyra si Basha e mori atë vendim pa pyetur askënd mendoj se ka pasur një histori më të thellë aty brenda. Nuk është fundi i historisë dhe do ketë detaje që do të dalin rrugës.

Sondazh

Poll

Lexo gjithashtu

Hapësire reklamuese