Një avion i vogël pasagjerësh është rrëzuar mbrëmjen e sotme në Bullgari pas një problemi me krahët.
Mediat e huaja raportojnë se avioni se është rrëzuar pranë qytezës Orizare në juglindje të Bullgarisë pas një defekti teknik me krahët, ndërkohë që deri tani flitet për 2 persona të vdekur.
Kryetari i Komunës së Orizare-s, Yordan Totev, në deklaratën për Radion Kombëtare të Bullgarisë, tha se si pasojë e rrëzimit të një avioni pronë e një klubi sportiv në qytezë, kanë humbur jetën 2 persona.
Ndërkohë bëhet me dije se policia dhe zjarrëfikësja kanë shkuar në vendngjarje dhe kanë nisur hetimin në lidhje me aksidentin ajror.