Hapësire reklamuese

Çështjet kryesore

Aktualitet

Rrëmbimi dhe vrasja e Jan Prengës, GJKKO rifillon pas 1 viti gjyqin për Dritan Rexhepin dhe gjashtë të akuzuarit e tjerë

Shkruar nga Newsbomb
Rrëmbimi dhe vrasja e Jan Prengës, GJKKO rifillon pas 1 viti gjyqin

Gjykata e Posaçme ka rifilluar pas një viti gjyqin për rrëmbimin dhe vrasjen e Jan Prengës, ku të akuzuar janë Dritan Rexhepi dhe gjashtë shtetas të tjerë, të cilët akuzohen në formën e grupit të strukturuar kriminal.

Dritan Rexhepi, Gentjan Funiqi, Marti Bleta, Korado Keshteja, Artan Doçaj, Aldo Majnishta dhe Geraldo Martini akuzohen për veprat penale "Rrëmbim apo mbajtje peng e personit" ku është shkaktuar vdekja, "Mbajtje pa leje e armëve luftarake", "Fshehja dhe asgjësimi I kufomës", "Grupi i strukturuar kriminal" dhe "Kryerja e veprave penale nga organizata kriminale dhe grupi strukturuar kriminal".

Jan Prenga u rrëmbye më datë 17 janar 2020 në Kamëz dhe që nga ajo ditë nuk ka asnjë gjurmë të tijën. Gjatë gjyqit u publikuan pamjet e një resorti në zonën e Shijakut ku Jan Prenga u torturua për vdekje, ndërsa trupi i tij edhe sot pas tre vitesh nuk dihet se ku ndodhet. Shkak dyshohet se u bë vjedhja e një sasie të madhe droge nga vëllai i tij në Angli, e cila i përkiste Dritan Rexhepit.

Mirëpo, një vit më parë gjyqi ui pezullua për shkak se Dritan Rexhepi, Gentjan Funiqi, Marti Bleta, Korado Keshteja, Artan Doçaj, Aldo Majnishta dhe Geraldo Martini nuk kishin marrë dijeni për gjyqin ndaj tyre, sepse ndodhen jashtë vendit.

I vetmi i dënuar për këtë ngjarje të rëndë është shtetasi Festim Bixhdili, kopështari i resortit në zonën e Shijakut ku u torturua për vdekje Jan Prenga. Ai ka marrë me furgon trupin e viktimës dhe nuk ka pranuar të tregojë në gjyq se ku e ka çuar, ndaj Gjykata e Posaçme e ka dënuar me burgim të përjetshëm.

Disa nga personat e lartpërmendur janë arrestuar jashtë vendit dhe në pritje të ekstradimit të tyre, Gjykata e Posaçme ka rifilluar gjyqin.

Lexo gjithashtu

Sondazh

Poll