Rregullat e Komitetit për grumbullimet mbi 10 persona nuk prekin Kuvendin, Ruçi merr përgjigje nga Ekspertët dhe konfirmon seancat për dhjetorin (PËRMBAJTJA)

Publikuar tek: aktualitet, më 11:48 25-11-2020 Rregullat e Komitetit për grumbullimet mbi 10 persona nuk prekin Kuvendin, Ruçi merr përgjigje nga Ekspertët dhe konfirmon seancat për dhjetorin (PËRMBAJTJA) FotoArkive: Gramoz Ruci

Komiteti Teknik i Ekspertëve i ka kthyer përgjigje kryeparlamentarit Gramoz Ruçi për vazhdimësinë e seancave plenare, pas rregullit që ndalon grumbullimet mbi 10 persona për shkak të parandalimit të përhapjes së Covid-19.

Konferenca e e Kryetarëve ka miratuar programin e punës  për periudhën 30 nëntor-25 dhjetor 2020 dhe kalendarin e  punimeve të Kuvendit për periudhën 30 nëntor - 18 dhjetor 2020.

“Komiteti Teknik i Ekspertëve dhe Ministria e Shëndetësisë, konfirmojnë se “Urdhëri nr. 633, datë 11.11.2020, “Për ndalimin e grumbullimeve në vende të mbyllura apo të hapura”, nuk cënon aktivitetin e Kuvendit për zhvillimin e seancave plenare. Seancat plenare duhet të zhvillohen duke ruajtur rregullat e distancimit social dhe mundësisht të kenë kufizime në kohëzgjatje.” Në këto rrethana, kohëzgjatja e seancave do të shkurtohet në tre orë”, thuhet në njoftimin e Kuvendit.

Gjithashtu, Konferenca e Kryetarëve ka pranuar kërkesën e deputetëve socialistë të iniciuar nga Taulant Balla, për për administrimin e dokumentacionit dhe hartimin e një raporti mbi gjetjet dhe konkluzionet e verifikimeve të kryera nga institucionet përkatëse në Shqipëri mbi çështjet e raportit të anëtarit të APKiE Dick Marty.

NJOFTIMI I PLOTË:

Konferenca e Kryetarëve miratoi programin e punës  për periudhën 30 nëntor-25 dhjetor 2020 dhe kalendarin e  punimeve të Kuvendit për periudhën 30 nëntor - 18 dhjetor 2020.

Konferenca e Kryetarëve shqyrtoi dhe miratoi programin e punës  për periudhën 30 nëntor-25 dhjetor 2020 dhe kalendarin e  punimeve të Kuvendit për periudhën 30 nëntor - 18 dhjetor 2020.

Kryetari i Kuvendit, z. Gramoz Ruçi, njoftoi Konferencën se në përgjigje të kërkesës së tij të datës 18 nëntor 2020, Komiteti Teknik i Ekspertëve dhe Ministria e Shëndetësisë, konfirmojnë se “Urdhëri nr. 633, datë 11.11.2020, “Për ndalimin e grumbullimeve në vende të mbyllura apo të hapura”, nuk cënon aktivitetin e Kuvendit për zhvillimin e seancave plenare. Seancat plenare duhet të zhvillohen duke ruajtur rregullat e distancimit social dhe mundësisht të kenë kufizime në kohëzgjatje.” Në këto rrethana, kohëzgjatja e seancave do të shkurtohet në tre orë.

Konferenca vendosi zhvillimin e seancave plenare me datat 3, 10 dhe 17 dhjetor 2020.

Konferenca vendosi t’i përcjellë seancës plenare kërkesën e një grupi deputetësh për ngritjen e një Komisioni të Posaçëm të Kuvendit për administrimin e dokumentacionit dhe hartimin e një raporti mbi gjetjet dhe konkluzionet e verifikimeve të kryera nga institucionet përkatëse në Shqipëri mbi çështjet e raportit të anëtarit të APKiE Dick Marty mbi rolin e përfaqësuesve politikë dhe institucioneve publike shqiptare në ndihmë të të ashtuquajturës veprimtari kriminale e drejtuesve të UÇK-së në territorin e Republikës së Shqipërisë.

Konferenca e Kryetarëve u zhvillua me anë të mjetit të komunikimit elektronik Cisco Ëebex.

Sondazh

Më shumë në këtë kategori: « Apeli e riktheu sërish në garë, përplasja e KLGJ me Saida Dollanin, ngrin plotësimin e Gjykatës së Lartë 
6 gra u vranë gjatë vitit 2020/ Nga 2980 të dhunuara, janë arrestuar vetëm 532 abuzues »
Article Logic
Execution time: 0.013340950012207
array(1) { ["section"]=> string(161) "rregullat-e-komitetit-per-grumbullimet-mbi-10-persona-nuk-prekin-kuvendin-ruci-merr-pergjigje-nga-ekspertet-dhe-konfirmon-seancat-per-dhjetorin-permbajtja-229047" }