Kryeministri i Britanisë së Madhe Rishi Sunak, ka thënë se është gati ta nxjerrë vendin e tij nga “Konventa Europiane e të Drejtave të Njeriut”, pasi e shikon si të vetmen mundësi të ndalojë fluksin e emigrantëve që kalojnë përmes Kanalit.
Gjatë një interviste për gazetarin Piers Morgan, Sunak është gati ta marrë këtë vendim në një kohë kur vend i tij pritet të perballet me një valë prej 65 mijë emigrantësh të tjerë gjatë këtij viti.
Në një intervistë për të shënuar 100 ditët e tij të para në detyrë, Kryeministri i tha gazetarit Piers Morgan, se projekti i tij për rishikimin e sistemit do të bënte që do të rritej numri i rishikimit të kërkesave ditore për azil .
Vendimi i Britanisë së Madhe për të përjashtar shqiptarët nga mundësia për të aplikuar për azil ka shkaktuar reagimin e ‘Organizatave Ndërkombëtare të të Drejtave të Njeriut’ përfshi dhe atë të OKB-së , të cilat janë shprehur se po shkelen hapur të drejtat që emigrantët gëzojnë në mbarë botën.
Kujtojmë se numri më i madh i emigrantëve në Britaninë e madhe janë shqiptarë. Kjo ka detyruar qeveritë e dy vendeve të nënshkruajnë një marrëveshje bashkëpunimi, që ka si qëllim kryesor të përshpejtojë procedurat e refuzimit të azilit dhe kthimit sa më të shpejte në atdhe të emigravtëve shqiptarë.