Zbardhen të tjera detaje nga supergrabitja e 9 prillit në aeroportin e Rinasit, ku mbeti i vrarë Admir Murataj.
Mësohet se Hasan Kanaçi, punonjësi i kargos, i arrestuar, ditën e grabitjes ka ndryshuar radhën e ngarkesave të valixheve. Ndërsa sipas procedures së zakonshme paratë duhej të futeshin në fund dhe mbyllej menjëherë dera e avionit.
Prokuroria ka nisur një hetim pasuror ndaj Kanaçit, ndërsa ky i fundit ka deklaruar se nuk ka lidhje me ngjarjen.