Tirana
clear sky
17.5 ° C
17.5 °
17.5 °
65 %
0.6kmh
0 %
Mar
16 °
Mër
21 °
Enj
18 °
Pre
21 °
Sht
23 °
E martë, 18 Maj, 2021
spot_img

Rikthimi i vizave, reagon ashpër Nishani: Shikoni ç’i bëtë shqiptarëve o korba të zinj, Don Kishotët vrapuan të…

spot_img

Lajme të ngjashëm

fd6348fac451395d221b77ce0a1f327b

Ish-Presidenti Bujar Nishani ka reaguar pas votimit në Parlamentin holandez për rikthimin e vizave për Shqipërinë. 

Me anë të një postimi në Facebook, Nishani thotë se e ka shprehur shqetësimin dy vite më parë, kur autoritetet holandeze lëshuan paralajmërimin për rikthimin e vizave për shqiptarët.

Ish-Presidenti pretendon se në atë kohë e akuzuan si “gjinkallë të gushtit”, ndërkohë që Nishani sot i quan korbë të zinj dhe Don Kishotë, që mashtrojnë shqiptarët duke thënë se kanë shkatërruar 99% të kanabisit dhe kanë luftuar krimin.

Reagimi i plotë i Nishanit:

Afërsisht dy vite më parë kam shprehur publikisht shqetësimin tim qytetar për rrezikun e penalizimit të qytetarëve shqiptarë mbi mundësinë e tyre të fituar për të lëvizur pa viza në Evropë.
Në atë kohë, pra dy vite më parë, ishin pikërisht autoritetet holandeze që ngritën shqetësimin e madh mbi krimin e organizuar dhe korrupsionin në Shqipëri dhe lëshuan paralajmërimin për rikthimin e vizave për shqiptarët.
Qeveritarët spekulantë dhe përgjegjës të krijimit të këtij rreziku real për shqiptarët agresuan këtë të vërtetë të hidhur me propagandën e tyre mediatike duke na akuzuar si “gjinkalla të gushtit” !!!
Deri këtu nuk kishte ndonjë risi.
Këtë sharlatanizëm e kishim dëgjuar edhe kur thanë se avionët e drogës ishin spërkatës kundër mushkonjave !!!!
Edhe kur thonin që kemi shkatërruar 99% të kanabisit teksa çdo javë sekuestroheshin 5-6 ton të tillë në brigjet e Italisë.
Edhe tek thonin se ishin krenar me trafikantët dhe përdhunuesit që kishin futur në Parlament dhe bashkitë e vendit, etj., etj.
Përgjatë dy vitesh autoritetet holandeze vijuan të ngrinin dhe drejtonin shqetësimin e tyre. 
Jo vetëm që nuk u përgjigjej askush shqetësimit të tyre por sponsorizohej një propagandë për fshehjen e të keqes, mashtrimit, nderimit për maskën, mohimit të problemit !
Sot, pas dy vitesh paralajmërimesh, shqetësimesh dhe pajtimesh me të keqen, rreziku u bë fakt. 
Parlamenti holandez (përfaqësuesit direkt të qytetarëve të tyre) votoi për rikthimin e vizave për shqiptarët.
Nëse sot pas afro dy vitesh do të përdorja të njëjtin nivel e kút të atyre që na quanin “gjinkalla” do tu thosha ; “ shikoni seç ju bëtë shqiptarëve o korba të zinj” !
Por edhe sot don kishotët vrapuan të na thonë se : “është luftë politike në Holandë”, por nuk e vazhdojnë dot butaforinë e tyre e të na thonë pse vetëm për Shqipërinë ? 
Pse jo edhe për maqedonasit, malazezët, boshnjakët apo serbët, o të mjerë ?
Natyrisht që vendimi i marrë nuk i ndalon menjëherë shqiptarët të udhëtojnë pa viza.
Por mashtrimi, fshehja e problemit, avokatia e të keqes, përulja ndaj maskës, pajtimi me problemin përgjatë këtyre dy viteve të shurdhërisë ndaj të vërtetës na solli në faktin e kryer, të vendimit tashmë në Parlamentin e Holandës.
Ata që u investuan me të gjitha format e antivlerave janë padiskutim sot dëmtuesit real të interesave reale të qytetarëve shqiptarë.
Ata kanë kontribuar drejtpërsëdrejti në dëmin ndaj shqiptarëve. 
Për fatin e keq të shqiptarëve spekulantët qeveritarë dhe avokatia e të keqes rreket të vijoj përsëri në rrugën e vet. 
Nuk do të jetë aspak çudi që pikërisht nëse do të vijojë fshehja e të vërtetave, nderimi i maskës, avokatia e mashtrimit, bashkëpunimi me të keqen, pas një apo dy vitesh vendimi i votimit të Parlamentit të Holandës të kthehet në realitetin më të hidhur të qytetarëve shqiptarë.
Rradhët e gjata sporteleve të ambasadave në Tiranë, pa asnjë mundësi të garantuar të udhëtojnë për hallet apo gëzimet e tyre.
Zgjedhja që duhet të bëjnë shqiptarët është në Tiranë, jo Amsterdam, Bruksel apo Berlin. 
Le të zgjedhim !

spot_img

Më shumë

spot_img
spot_img