Autoriteti Rrugor Shqiptar ka njoftuar se në aksin rrugor Bajram Curri-Valbonë janë rikthyer reshjet e dëborës. ARRSH iu bën thirrje shoferëve që të tregojnë kujdes, të ulin shpejtësinë në rrugë dhe të pajisen me zinxhirë e goma dimërore për në zonat malore.
“Në aksin Bajram Curri-Valbonë ka pasur reshje bore pa sjellë probleme me qarkullimin Mjetet borëpastruese janë në terren duke bërë pastrimin e plotë të aksit
Drejtuesit e mjeteve duhet të bëjnë kujdes në lëvizje për shkak të lagështisë në rrugë dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore për në zonat malore të ndjekin udhëzimet e Policisë Rrugore”, shkruan ARRSH.