Një shtetase amerikane e infektuar me Covid-19 është vetëizoluar në tualetin e një avioni gjatë fluturimit nga Çikago për në Islandë.
Sipas raportimit të me dieve të huaja, Marisa Fotieo, mësuese nga Miçigeni, tha se fyti filloi t’i dhimbte gjatë fluturimit, prandaj shkoi në tualetin e aeroplanit për të bërë një test të shpejtë për Covid-19, i cili i vërtetoi se ishte e infektuar me Covid.
“Thjesht e mora testin e shpejtë dhe e dërgova në tualet dhe brenda një kohe që u duk si dy sekonda, ishin dy vija (që tregojnë infektim). Ishin 150 njerëz në fluturim dhe frika ime më e madhe ishte që t’ua jepja (virusin) atyre”, ka thënë Marisa Fotieo.