Ishulli i Sazanit në jug të Shqipërisë mund të kthehet shpejt në një nga atraksionet turistike më të preferuara në Ballkanin Perëndimor. Ky është synimi i kompanisë private “Affinity Partners”, e cila planifikon të investojë 1 miliardë dollarë për transformimin e ishullit.
Kompania është në pronësi të Jared Kushner, dhëndri i ish-presidentit Donald Trump dhe synon një eko-resorti luksoz në ishullin e Sazanit. Bëhet fjalë për disa vila që sipas projektit do të jenë gjysmë të futura në tokë, me pamje spektakolare nga bregu i Sazanit dhe ballkon panoramik.
“Firma me bazë në Miami po shikon transformimin e ishullit të Sazanit në Shqipëri, më parë një bazë ushtarake, në një komunitet luksoz eko-resort të markës Aman”, shkroi media amerikane “Bloomberg”, teksa jepte dhe një intervistë të vetë Jared Kushner.
Projekti luksoz i dhendrit te Trump per Sazanin
Jared Kushner, ish-këshilltar i lartë i Shtëpisë së Bardhë dhe dhëndri i ish-Presidentit Donald Trump, themeloi Affinity Partners pasi la shërbimin qeveritar. Firma, me asete që arrijnë në 3.1 miliardë dollarë, ka marrë mbështetje të konsiderueshme nga investitorë të mbështetur nga shteti i Lindjes së Mesme, duke përfshirë rreth 2 miliardë dollarë nga Fondi i Investimeve Publike të Arabisë Saudite.
Restortet e brandit Aman që pritet të vijnë dhe në Sazan
Aman Resorts, është një rrjet hotelesh me pesë yje në pronësi të manjatit Vladislav Doronin, me seli në Zvicër. E themeluar nga hoteleri indonezian Adrian Zecha në 1988, kompania operon 34 prona në 20 vende të botës dhe prej vitesh Vladislav Doronin është shefi ekzekutiv, drejtues dhe pronar i rrjetit.
Në fillim të shkurtit 2014, Aman Resorts u shitën për 358 milionë dollarë te Aman Resorts Group, një kompani investimi e udhëhequr nga biznesmeni me origjinë ruse Vladislav Doronin. Shitja përfshinte të gjitha pronat Aman, përveç hotelit Lodhi në Delhi.
Nje nga hotelet luksoze te rrjetit Aman Restorts
Çdo pronë e Aman-it zakonisht ka një numër të vogël dhomash, më pak se 55. Brandi karakterizohet shpesh nga media për ofrimin e shërbimeve të jashtëzakonshme, me shumë nga pronat e saj që raportohet se kanë një numër të stafit prej gjashtë personash për një mysafir.
Manjati pronar i Aman Restorts dhe lidhja me Charles McGonigal
I lindur në Bashkimin Sovjetik, Vladislav Doronin hoqi dorë nga shtetësia sovjetike në vitin 1986. Që atëherë ai është bërë shtetas suedez dhe ka folur kundër luftës në Ukrainë. Ai është gjithashtu një banor i Zvicrës, ka një shtëpi në Miami, Florida, dhe zotëron një apartament në One Hyde Park, Londër.
Në një intervistë të vitit 2016 me Forbes, Doronin tha se ai shpesh udhëton në Moskë ku ka një biznes dhe për të vizituar miqtë. Në vitin 2018, ai përfundoi ndërtimin e Capital Hill Residence, rezidencën e tij private në Barvikha, një lagje prestigjioze jashtë Moskës. Prona vlerësohet të ketë një vlerë tregu prej 140 milion dollarë. Megjitahtë, manjati i pronave e shiti atë në vitin 2022.
Në janar 2023, Charles McGonigal, ish-drejtori i Kundërzbulimit të FBI-së dhe drejtor global i sigurisë për Aman Group, u arrestua me akuza për pastrim parash dhe për shkelje të ligjit të sanksioneve të SHBA-së. Ai u punësua në pranverën e 2022 në rrjetin e hoteleve Aman, përmes një procesi që është cilësuar "i errët".
Vladislav Doronin me partneren e tij ish-modelen Kristina Romanova.
Vladislav Doronin me partneren e tij ish-modelen Kristina Romanova/ © Getty Images për amfAR
Kur Charles McGonigal u arrestua në Aeroportin JFK në janar të vitit të kaluar, ai po kthehej nga një udhëtim pune në Sri Lanka, ku Aman operon një rrjet hotelesh të bukura. Një zëdhënës i Aman konfirmoi për New York Post se kompania punësoi McGonigal në vitin 2021, por ai filloi punë vetëm në në pranverën e vitit 2022.
"Zoti McGonigal u punësua nga Aman Group në vjeshtën e vitit 2022 si kreu global i sigurisë, bazuar në kualifikimet e tij dhe rolin e ngjashëm në industrinë e pasurive të paluajtshme, si dhe dy dekadat e tij me Byronë Federale të Hetimit", tha përfaqësuesi i Aman. Kompania njoftoi punësimin e McGonigal për punonjësit me një email të muajit tetorit 2022, të parë nga The Post.
Kompania tha gjithashtu se McGonigal nuk po punon më për Aman Group, por nuk e bëri të ditur se kur u largua. Një ish-punonjës i Aman-it që u largua nga grupi i hoteleve tha se kultura e zyrës ishte më shumë ruse sesa amerikane dhe mund të ishte "kërkuese" dhe "e pakëndshme".
Ish-shefi i FBI që vizitoi Shqipërinë disa herë vitet e fundit dhe është shpallur fajtor ndër të tjera dhe për një pagesë të majme që ka marrë nga shqiptari Agron Neza, u tha punonjësve të Aman se ai u largua nga kompania e mëparshme Brookfield për “arsye personale”.
Ish-shefi i FBI, Charles McGonigal
Ish-zyrtarët e CIA-s, FBI-së dhe NSA-së punësohen në mënyrë rutinore nga kompani të mëdha që janë objektiva të spiunazhit dhe kërcënimeve kibernetike, tha Anthony Roman, president i firmës së menaxhimit të rrezikut, Roman & Associates. “Është një ndalesë e lehtë dhe e rregullt për këta zyrtarë,” tha Roman.
"McGonigal ishte në listën e pagave të një rusi të fuqishëm", tha Louise Shelley, themeluese dhe drejtoreshë ekzekutive e Qendrës për Terrorizmin, Krimin Transnacional dhe Korrupsionin, duke iu referuar faktit që McGonigal ishte në listën e pagave të Aman. “Është sigurisht një punë e qetë që paguhet shumë. Është një punë shumë e mirë të dalësh në pension, por kjo e bën atë më të lidhur me elitën ruse në mbarë botën.”
Vitin e kaluar, RealDeal raportoi se dokumentet gjyqësore treguan se ai kishte një aksion në një kompani të veçantë me bazë në Moskë deri në vitin 2022, kur ai ia transferoi pronësinë nënës së tij, e cila ende jeton në Rusi. Doronin u përgjigj se firma kishte thjesht "asete të trashëguara" që po likuidoheshin ngadalë dhe se ai nuk ka qenë i përfshirë në asnjë aktivitet zhvillimi që nga viti 2014.
© Newsbomb.al
Vladislav Doronin me partneren e tij ish-modelen Kristina Romanova/ © Getty Images për amfAR
Nje nga hotelet luksoze te rrjetit Aman Restorts
Sondazh
Lexo gjithashtu
