Situata është përkeqësuar, dhe gjendja e grevisteve të Uzinës së Ballshit është rënduar.
Grevistet nuk kanë pranuar që të marrin mjekim në spital. Një nga grevistet, Silvana Fejzaj ka kërkuar ndihmën e mjekëve, ndërsa pranë saj ka shkuar urgjenca e spitalit Ballsh për t’i bërë një serum.
Mësohet se grevistja pavarësisht gjendjes nuk do të largohet. Ajo ka pranuar të marrë mjekim në mjediset e grevës.
Katër gra janë me të vjella, me rrahje zemre të forta, tension dhe temperaturë. Ato nuk kanë pranuar që të shkojnë në spital por morën mjekimin në ambientet e grevës. Gratë greviste janë të vendosura në kauzën e tyre, pagat e prapambetura.