Hapësire reklamuese

Aktualitet

Reforma Zgjedhore, dy bashkëkryetarët e komisionit, Gjiknuri e Alibeaj letër OSBE

Shkruar nga Newsbomb

Dy bashkëkryetarët e Komisionit të Reformës Zgjedhore, Damian Gjiknuri dhe Enkelejd Alibeaj i janë drejtuar me një letër misionit të OSBE/ ODIHR-it që t’u atashojnë ekspertët e tyre pranë komisioni të ngritur.

Letra ku i kërkojnë OSBE/ ODHIR për të dërguar ekspertët e saj është firmosur nga Damian Gjiknuri dhe Enkelejd Alibeaj.

Shkresa:

Na lejoni fillimisht të shprehim falenderimet dhe mirënjohjen e thellë për kontributin që OSBE/ODIHR ka dhënë gjatë këtyre viteve për zhvillimin dhe konsolidimin e demokracisë në Shqipëri dhe në mënyrë të veçantë në një prej themeleve të rëndësishme të saj, siç janë zgjedhjet. Me vendimin nr. 12, datë 10.02.2022, të ndryshuar, Kuvendi i Shqipërisë ka miratuar ngritjen e Komisionit të Posaçëm Parlamentar për realizimin e Reformës Zgjedhore. Komisioni ka për detyrë hartimin e ndryshimeve legjislative për reformën zgjedhore, në veçanti trajtimin e rekomandimeve të raporteve të OSBE/ODIHR-it për zgjedhjet e 25 Prillit 2021 dhe për zgjedhjet e mëparshme të patrajtuara, rekomandimeve të institucioneve përgjegjëse për zgjedhjet, të partive politike parlamentare dhe organizatave jofitimprurëse.

Për këtë arsye, ashtu siç ramë dakord me përfaqësues të OSBE/ODIHR-it në takimin e zhvilluar në Dhjetor 2023, ku diskutuam punën e Komisionit dhe nevojën që pranë Komisionit të vendoset në dispozicion ekspertiza e ODIHR-it, kemi kënaqësinë që në emër të Komisionit të Posaçëm Parlamentar për Realizimin e Reformës Zgjedhore t'ju paraqesim kërkesën për të kontribuuar me ekspertë të fushës së zgjedhjeve, të ODIHR-it, për të asistuar punën e këtij Komisioni.

Mënyra e komunikimit të ekspertëve të caktuar nga ju, me Komisionin e Reformës Zgjedhore, mund të përcaktohet në vijim të bashkëpunimit tonë të mëtejshëm.

Duke ju falenderuar paraprakisht për gatishmërinë dhe bashkëpunimin tuaj,

Sinqerisht,

BASHKËKRYETARËT

Damian GHKURI

Enkelejd ALIBEAJ

[caption id="attachment_776041" align="alignnone" width="1587"] Dokumenti i firmosur nga Damian Gjiknuri dhe Enkelejd Alibeaj[/caption]

 

Sondazh

Poll

Lexo gjithashtu

Hapësire reklamuese