Kështu quhet ekspozita e çelur nga Ambasada Shqiptare në Kuvajt në bashkëpunim me Këshillin Kombëtar për Kulturën dhe Artet në Kuvajt si dhe Galerinë tonë Kombëtare.
Kjo ekspozitë qëndroi e hapur për 6 ditë me rradhë ( 11-17 janar) duke tërhequr dashamirës dhe kritikë të artit.
Pjesë e ekspozitës u bënë edhe përfaqësues të biznesit e medias kuvajtiane.
Sipas drejtorit Galerisë tonë Kombëtare të Arteve, z.Artan Shabani, rëndësia e kësaj ekspozite qëndron në promovimin e artit shqiptar në vende me potencial të lartë ekonomiko-kulturor, çka do të sillte edhe bashkëpunimin mes popujve e vendeve tona.
Ndërkohë, kryetari i Këshillit Kombëtar për Kulturën dhe Artet në Kuvajt, z. Ali Johua, shprehu vlerësimin e tij për punët e artistëve shqiptarë.
Së shpejti, pritet edhe hapja e një ekspozite nga piktorët kuvajtianë, në Shqipëri.