Ministria e Forcës së Sigurisë së Kosovës, njofton se ka gjetur trupin e pajetë, të policit Armend Trena, në lumin Lepenc.
“Njësitë e kërkim shpëtimit të FSK-së, Policisë së Kosovës dhe Agjencisë së Kosovës për Emergjenca sot në orën 16:50, në kilometrin e 6-të (në hyrje të Hanit të Elezit) nga vend i aksidentit në lumin Lepenc, kanë gjetur trupin e pajetë të policit Armend Trena”, citohet në njoftim.
Policët Armend Trena dhe Malsor Dashi kishin rënë më 28 prill në lumin Lepenc, teksa po udhëtonin me makinën zyrtare në magjistralen Hani i Elezit-Kaçanit.
Trupi i pajetë i policit Malson Dashit u gjet nga ekipet e zhytësve dhe vullnetarëve më 3 maj.