Kryeministri Edi Rama po zhvillon një bashkëbisedim në Lezhë ku po flet rreth rindërtimit dhe investimeve në këtë zonë.
Rama në bashkëbisedim ka treguar edhe merakun e tij më të madh, duke thënë se shpreson të sigurojë sa më shumë vaksina në mënyrë që sezoni turistik të jetë i hapur dhe pa rreziqe.
Kryeministri e ka quajtur vaksinimin masiv si “sëpatë që shkëput zinxhirin e infeksionit”.
“Ndihma tjetër për biznesin është vaksinimi, ka filluar, jam shumë shpresëplote është e afërt dita ku do të kemi një sasi të konsiderueshëm vaksinash, të nisim vaksinimin masiv, me synimin që sezoni turistik të jetë i hapur dhe pa rreziqe. Vaksina është sëpatë që shkëput zinxhirin e infeksionit.
Nëse bëjmë një vaksinim masiv në prill,maj dhe fillim të qershorit, do të kemi një sezon veror ndryshe nga ai i vjetshmi. Për ta këputur zinxhirin do të kalojmë në një tjetër stad, një tjetër sasi nga pikëpamja e volumit. Nga volumet e deritanishme procesi do të jetë më e ngadaltë. Shpresojmë t‘ia dalim, kjo është ëndrra që më le pa gjumë për momentin, se si të sigurojmë sasinë e vaksinave për virusin vrasës”, tha Rama.