Kryeministri Edi Rama ashtu siç kishte paralajmëruar më herët ndodhet në një vizitë në Detroit, Michigan.
Rama ka zhvilluar një vizitë në organizatën “Automation Alley”, ku është takuar me përfaqësues të industrisë automotive amerikane, të cilët sipas tij janë të interesuar për të bërë investime në Shqipëri.
“Sot u mikprita nga një grup përfaqësuesish të kësaj bote të mirënjohur të industrive automatike amerikane, folëm për oportunitet që ofron Shqipëria dhe gjetëm interes për të dëgjuar më shumë dhe ramë dakord një mision të tyre për të parë nga afër dhe për të kuptuar më mirë se çfarë ndodhë me Ballkanin e Hapur, për një treg më të mirë dhe më të hapur dhe për një pozicion më të favorshëm për investimet e huaja”, u shpreh Rama.