Kryeministri Edi Rama ka bërë një deklaratë të shkurtër për media nga Panairi i Policisë, që po mbahet në bulevardin Dëshmorët e Kombit.
I shoqëruar nga ministri Saimir Tahiri, Zëvendësdrejtori i Përgjithshëm i Policisë, Ardian Çipa dhe zv/ministrja Elona Gjebrea, Rama nuk ka pranuar pyetje nga gazetarët. Kryeministri u shpreh se Policia e Shtetit po sulmohet nga një front i së keqes.
“Policia e Shtetit ka marë një përmasë dinjiteti dhe qytetarie, shërbëtori ndaj qytetarëve. Kaq shumë gjëra janë bërë dhe do të bëhen akoma më shumë. Normale, kur bie kaq shumë në sy ngjall edhe shumë xhelozira dhe mllefe, por përtej këtyre ekziston edhe një front i së keqes. Kjo nënkupton shkëputjen e Policisë së Shtetit nga prehëri i krimit dhe çka nënkupton se sa më shumë që Policia e Shtetit do të sulmohet nga ai front, aq më shumë do të jetë e motivuar për të çuar më tej reformën”, u shpreh Rama.