Rama publikon fotot e gjyshërve teksa vaksinohen: S’kam pasur kënaqësi më të madhe politike sesa kjo

Kryeministri Edi Rama ka shpërndarë disa foto nga procesi i vaksinimit të moshës së tretë në qytete të ndryshme në vendin tonë.

Përmes një postimi në Facebook Rama shkruan se nuk ka pasur kënaqësi më të madhe në jetën e tij politike sesa kjo e lehtësimit të shpirtit të gjyshërve në vendin tonë, pas një viti të gjatë ankthi prej pandemisë.

Procesi i vaksinimit të tek mosha e tretë  ka filluar edhe në rrethe tashmë, ku shumë prej tyre kanë marrë dozën e parë të vaksinës.

“Asnjë kënaqësi më të madhe s’kam pasur në jetën time politike, se sa kjo e lehtësimit të shpirtit të gjysheve e gjyshërve të këtij vendi, pas një viti ankth në tunelin e pandemisë, prej ku tanimë filluam të dalim .*Tropojë, Dibër, Shkodër, Krujë, Berat, Vlorë, Lushnje, Sarandë, Ersekë, Tepelenë, Përmet, Malësi e Madhe, etj”, shkruan Edi Rama krahas fotove.