“Austria PO dhe në krah të Shqipërisë për çeljen e negociatave”. Kështu shkruan entuziazt kryeministri Edi Rama ndërsa ndan pamje nga takimi në Vienë me kancelarin Kruz.
Të dy ngjisin shkallët dhe drejtohen drejt sallës së konferencës të buzëqeshur e miqësorë.
“Një takim shumë pozitiv në Vienë me kancelarin Kurz, i cili është angazhuar edhe në komunikimin me vendet që siç e theksoi edhe publikisht vetë kancelari, janë hezituese për shkak të dinamikave të tyre të brendshme”, shkruan Rama si përmbledhje nga ky takim ndërsa Shqipëria pret verdiktin në fund të qershorit nga vendet anëtare të BE për çeljen e negociatave.