Ka nisur në Ministrinë e Punëve të Jashtme vizita e kryeministrit Edi Rama ditën e sotme.
Mësohet se në takimin e tij me ministrin Vadym Prysraiko, Rama ka folur për rritjen e bashkëpunimit midis OSBE dhe Ukrainës.
Në cilësinë e kryetarit të zyrës së OSBE-së, Edi Rama do të zhvillojë sot takime në Kiev edhe me Presidentin e Ukrainës Volodymyr Zelensky, kryeministrin Honcharuk, dhe kryetarin e Parlamentit Dmytro Razumkov.
Rama gjithashtu do të takohet me stafin e SMM, Koordinatorin e Projektit në Ukrainë, dhe Përfaqësuesin e tij Special në Ukrainë dhe në Grupin e Kontaktit Trilateral.
Ndërkohë që në datë 21 janar kryeministri pritet të vizitojë Ukrainën lindore për të parë nga afër zonën e prekur nga konflikti.