Kryeministri Edi Rama ditën e sotme do të zhvillojë një mbledhje me qeverinë por ka lënë jashtë kësaj mbledhjeje ministrat e LSI-së.
Sipas informacioneve, mbledhja do të zhvillohet në Gjirokastër, në sallën e Hotel “Cajupi”, në orën 17:00 nën masa të rrepta sigurie. Të parët që kanë shkuar në mbledhje janë ministrat: Saimir Tahiri, Mirela Kumbaro, Mimi Kodheli, Arben Ahmetaj, Damian Gjiknuri, Bledi Çuçi, Lindita Nikolla, Ditmir Bushati, Ermonela Felaj, Ilir Beqaj, Milena Harito, Eglantina Gjermeni, Blendi Klosi si dhe zv.kryeministri Niko Peleshi. Në mbledhje do shkojnë edhe deputetë të PS-së.
Ende është e paqartë arsyeja pse Rama ka lënë jashtë ministrat e partisë aleate duke zgjedhur të bëjë një mbledhje vetëm mes socialistësh në qeveri por me siguri, kjo do të kuptohet nga dinamika e zhvillimeve politike në vazhdim.