Kryeministri Edi Rama kritikoi ashpër pak ditë më parë ish-ministren Olta Xhaçka për mungesën e aktivitetit në rrjetet sociale, duke ironizuar se ka harruar të futet në Facebook që nga largimi si ministre e Jashtme.
Tani, për çudi ministri Igli Hasani ka hapur për herë të parë një profil zyrtar në Instagram. Mesa duket posti i ri e ka gjetur të papërgatitur Igli Hasanin, i cili me marrjen e detyrës ka pasur një agjendë mjaft të ngjeshur me takime jashtë territorit me faktorë të rëndësishëm ndërkombëtar. Është dashur vërejtja nga kreu i shtetit që Ministëri i Punëve të Jashtme të Shqipërisë, të kuptojë rëndësinë që ka ndërveprimi me qytetarët.
Hapja e instagramit të ri është lehtësisht i verifikueshëm, pasi postimi i parë daton më 13 shkurt dhe numëron vetëm 102 ndjekës, ku shfaqet në evente të ndryshme zyrtare.
Foto e marre nga instagrami i ministrit Igli Hasani
Igli Hasani është një emër eksperiencë për marrëdhëniet jashtë vendit. Ai ka mbajtur më herët postin si ambasador i Republikës së Shqipërisë në misionin e OSBE-së në Vjenë.
Hasani drejtoi misionin e Shqipërisë në OSBE, nga janari i vitit 2018 deri më nëntor të 2021, kohë gjatë së cilës Shqipëria pati edhe presidencën e OSBE-së. Më pas ai u emërua Koordinator Ekonomiko-Ambiental i OSBE-së.
Sondazh
Lexo gjithashtu
