Edi Rama ka folur për mediat fill pas mbledhjes së kryesisë së PS ku u vendos që kongresi të mbahet më datë 29 shkurt.
I atakuar për mungesën e zgjedhjeve në parti, Rama u shpreh i vendosur se tashmë ka ardhur koha që të mbyllet procesi për zgjedhjen e kryetarit të partisë.
“Jemi në proces kandidaturash për kryetarin e partisë, prej disa muajsh jemi në proces riorganizimi, ripërtëritje për zgjedhjet e ardhshme dhe pasi kemi zgjedhur kryetarët e organizatave, pasi kemi përfshirë në proces edhe gratë duke vendosur të zbatojmë një normë të re të organizimit ku drejtimi i organizatave i besohet një burri ose djali, gruaje ose vajze. Kmi bërë zgjedhjet një anëtar një anëtar një votë për delegatët. Tani ka ardhur koha të mbyllim procesin për zgjedhjen e kryetarit të Partisë.
Kudo procesi ka ecur sipas normave të paracaktuara, diku më shpejt diku më ngadalë por në përgjithësi ky proces na ka dhënë atë që kemi pritur, një energji të re, ripërtëritje të domosdoshme”, u shpreh Rama para gazetarëve.