Tirana
clear sky
20.5 ° C
20.5 °
20.5 °
78 %
1kmh
0 %
Sht
38 °
Die
41 °
Hën
40 °
Mar
39 °
Mër
40 °
E shtunë, 31 Korrik, 2021

Rakacolli e shqetësuar për rritjen e rasteve të reja, Alimehmeti tregon pse Delta na infekton më shpejt se variantet e tjera

spot_img
spot_img

Lajme të ngjashëm

Tema kryesore në vend është varianti i ri i Covid, Delta, i cili erdhi nga Britania dhe në Indi mori një zhvillim më agresiv dhe për shkak të ambientit atje. Ky variant tani është bërë mbizotërues në shumë vende të botës, duke ngritur alarmin tek autoritetet shëndetësore.

Përderisa Delta është prezent në Kosovë, Maqedoni të Veriut, Greqi dhe Itali, autoritetet tona kanë dyshime të forta se ka mbërritur edhe tek ne. Kjo u bë me dije nga zv.ministrja e Shëndetësisë, Mira Rakacolli, e cila në studion e “Repolitix”, u shpreh se ndonëse ende nuk ka një konfirmim zyrtar për mbërritjen e këtij varianti, rritja e rasteve të reja të infeksionit që u vu re në dy ditët e fundit, është shqetësuese.

“Për variantin Delta kemi dyshime të forta, por nuk kemi akoma konfirmim zyrtar. Në analizën që bëhet specialistët thonë që ka sinjale që duhet të jenë të Deltës, por ne presim një konfirmim në laboratore që i bëjnë më të hollësishme këto analiza. Në këtë situatë, ku ka konfirmime në Kosovë, Greqi e Maqedoni, nuk ka sesi mos të ketë në Shqipëri, por gjërat duhet të jenë të konfirmuara që të publikohen”, tha Rakacolli.

Nga ana tjetër mjeku i mirënjohur Ilir Alimehmeti tha se janë disa arsye se pse ky variant po përhapet më shumë dhe më shpejt se të tjerët.

“Ky variant ka simptoma pak më ndryshe se covid normal, nuk ka shumë temperaturë dhe kollë, por më shumë dhimbje koke, rrufë sekrecione hundësh, dhimbje fyti, ndaj dhe njerëzit e neglizhojnë, nuk i kushtojnë shumë rëndësi, nuk vënë në alert veten apo familjen. Duhet direkt të kontaktohet mjekja e familjes dhe të merren masa”.

Më shumë

spot_img
spot_img