Qytetarët e Maqedonisë së Veriut votuan sot për presidentin e vendit. Kutitë e votimit u hapën në orën 7:00, ndërsa i mbyllën në orën 19:00 ku dhe nisi procesi i numërimit të votave.
Sipas Komisionit Shtetëror të Zgjedhjeve (KSHZ), kanë votuar rreth 48,34% e qytetarëve, ose 801.645 votues nga 1.814.317 që ishin në lista.
Deri tani, 21:00 raportohet se janë numëruar rreth 38% e votave dhe në nivel vendi kryeson kandidatja Gordana Siljanovska-Davkova me një përqindje prej 35,37%, duke mbajtur një avantazh të dukshëm në krahasim me kundërshtarin më të afërt, Stevo Pendarovski.
I dyti renditet kandidati shqiptar Bujar Osmani nga Fronti Evropian me 18,18% të votave, më pas Pendarovski me 17,34%. Lista vijon me kandidatin tjetër shqiptar Arben Taravari nga VLEN ku deri tani ka 13,26%.
Gjithashtu nga numrimi i votave në në 74 qendra të votimit Bujar Osmani është ai i cili ka 38,7% të votave dhe Arben Taravari 36.86%.
Ndërsa në Tetovë Bujar Osmani po kryeson i cili ka 38,7% të votave dhe i dyti shqiptari tjetër Arben Taravari me 36.86%. Ndërsa pranë zyrave të BDI-së në Tetovë ka nisur festa e simpatizantëve
Sipas KSHZ-së, këto janë rezultatet e kandidatëve për president:
Gordana Siljanovska-Davkova – 112.580 | 35,37%
Bujar Osmani – 57.870 | 18,18%
Stevo Pendarovski – 55.209 | 17,34%
Arben Taravari – 42.210 | 13,26%
Maksim Dimitrievski – 23.529 | 7,39%
Biljana Vankovska – 13.310 | 4,18%
Stevçe Jakimovski – 2.912 | 0,91%
Sondazh
Lexo gjithashtu
