
Agron Gashi, është autori i ngjarjes së ndodhur mbrëmjen e djeshme në qendër të Pejës ku pas një konflikti plagosi me armë zjarri tre shtetas të rinj.
Sipas asa që mediat vendase bëjnë me dije gjendja shëndetësore e të plagosurve është e rëndë, ku një prej tyre mësohet se plumbat e kanë kapur në qafë dhe gjoks.
Teksa kërkimet për autorin e kësaj ngjarje janë shtrirë në të gjithë vendin, policia ka kërkuar dhe ndihmën e qytetarëve për lokalizimin e të riut.
Agron Gashi sipas policisë akuzohet për veprën penale, “vrasje e rëndë në tentativë”.
Policia kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar të lajmërojë Policinë e Kosovës apo të lajmërohet në stacionin më të afërt policor.
Numrat e telefonit dhe adresat elektronike kontaktuese për të kontaktuar Policinë e Kosovës: 192 dhe 080019999 (pa pagesë), 039 432 327-Drejtoria Rajonale Pejë ose e-mail: [email protected]
Ngjarja e rëndë ndodhi mbrëmjen e së enjtes në qendër të Pejës. Agron Gashi qëlloi me armë zjarri tre të rinjtë, nga e njëjta familje dhe më pas u largua me vrap.
