Presidenti serb Aleksandar Vuçiç iu drejtua qytetarëve pak pasi përfundoi protesta “15 për 15″ në Beograd, siç u njoftua zyrtarisht nga studentët.
“Në total, 56 persona u lënduan, por asnjë nuk u lëndua rëndë,” – deklaron Vuçiç duke mohuar përdorimin e Topave Zanorë.
“Ende ka disa dhjetëra njerëz në gjendje të dehur që po përpiqen të sulmojnë policët dhe të tjerët në Parkun Pionirski, prandaj ju kërkuam të vini në Pallatin e Serbisë. Para së gjithash, dua të shpreh kënaqësinë time që, në emër të të gjithë qytetarëve të Serbisë, u mbajt një protestë e madhe, me një energji të jashtëzakonshme negative, me zemërim dhe mllef të shprehur ndaj autoriteteve në RS, pa viktima apo lëndime të rënda.
Respekt për ata gënjeshtarë në opozitë që shpikën topa zanorë. Çfarë lidhje ka kjo me një top zanor? Turp për ju, ju gënjeshtarë. E njëjta gjë vlen edhe për gënjeshtra të tjera, ‘Vuçiç iku, fshehu fëmijët’. Mund ta përsërisni njëqind herë, një gënjeshtër do të mbulohet nga një tjetër, por tani është e qartë për njerëzit se një gënjeshtër nuk mund të fitojë, pavarësisht sa shumë paguhet nga jashtë – dhe po, paguhet shtrenjtë, shumë shtrenjtë. Vetëm llogaritni sa kushtoi kjo sot, do të shihni se bëhet fjalë për dhjetëra miliona euro”.
Sondazh
Lexo gjithashtu
