Presidenti i Serbisë, Aleksandar Vuçiç sërish ka akuzuar kryeministrin e Kosovës, Albin Kurti duke thënë se ai ka ambicie të bëhet si Presidenti ukrainas, Volodymyr Zelensky.
Sipas Vuçiç, qëllimi i Kurtit është të përqendrohet në zhvillimin dhe progresin e Serbisë përmes infrastrukturës dhe projekteve të tjera.
Në një paraqitje publike, Vuçiç komentoi edhe një deklaratë të Kurtit për agjencinë e lajmeve, Associated Press ku ai shprehte shqetësimin se paqja në Ballkan do të rrezikohej nëse Rusia fiton luftën në Ukrainë. Vuçiç e interpretoi këtë si një dëshirë të Kurtit për t'u angazhuar në konflikte.
Ai gjithashtu e akuzoi palën kosovare për bllokimin e dialogut dhe për fokusimin në tema të luftës, ndërsa sipas tij, Serbia është përkushtuar për zhvillim.
Vuçiç shprehu besimin se rrethanat do të ndryshojnë dhe se do të kuptohet rëndësia e dialogut dhe zgjidhjeve kompromisi, duke shtuar se kërcënimet dhe veprimet agresive nuk do të sjellin rezultate pozitive.
Sondazh
Lexo gjithashtu
