
Gjykata në Athinë ka lënë të lirë 27-vjeçarin palestinez Mohammad Odi i cili u arrestua për përdhunimin, plagosjen me thikë dhe lidhjen e 33 vjeçares shqiptare nga Kuçova, Gabriela Çelaj.
Ky vendim është marrë pasi nuk ka ende një dëshmi zyrtare në komisariat nga 33-vjeçarja e cila ndodhet në gjendje të rëndë e shtruar në spital.
27-vjeçari u la në masën “detyrim paraqitje” në rajonin e policisë dy herë në muaj, por skandali thellohet pasi palestinezi është lënë i lirë me kushte kufizuese, edhe pse nuk i dihet as adresa e shtëpisë dhe nuk ka asnjë fond ose person garantues për të, sikundër ndodh në raste të ngjashme.
33-vjeçarja nga Kuçova ra pre e një sulmi nga 27-vjeçari palestinez i cili e përdhunoi, torturoi, goditi me thikë dhe më pas e la pa ndjenja, të lidhur në krevat në katin e parë të një banese bosh.
Pasi mori ndihmën e parë në spitalin e Omonia, 33-vjeçarja shqiptare Gabriela Çelaj tregoi se si ndodhi ngjarja dhe makthin që përjetoi për disa orë.
“Nuk e njihja kush ishte, sapo ishim takuar dhe ramë dakord të shkonim tek shtëpia e tij për të bërë seks. Po pasi u futëm në shtëpinë e tij, ai me sulmoi duke më rrahur dhe detyruar të kryej seks oral kundër dëshirës.” – tregoi 33-vjeçarja.
Ajo shtoi se e dhunoi aq sa ajo humbi ndjenjat dhe më pas nuk mban mend asgjë se çfarë ndodhi. Vetëm kur u zgju pa se e kishte lidhur me litar në krevatin e shtëpisë. Ajo nisi të bërtiste duke kërkuar ndihmë derisa policia ra në gjurmët e saj.
I riu palestinez Autori Mohammad Odi, 27 vjeç u arrestua nga policia greke në Omonia, ku e gjet me një thikë të gjakosur me vete. Më pas kanë nisur kërkimet më të thelluara në zonë, ku kanë dëgjuar dhe shqiptaren teksa thërriste për ndihmë.