Hapësire reklamuese

Rajoni

Shuhet në moshën 72 vjeçare mjeku i UÇK-së, Bajram Koçi

Shkruar nga Newsbomb
Shuhet në moshën 72 vjeçare mjeku i UÇK-së, Bajram
Mjeku i ndjere, Bajram Koçi

Mjeku i njohur shqiptar i Kosovës, Dr. Bajram Koçi ka ndërruar jetë këtë të premte në moshën 72 vjeçare. Lajmin e trishtë e konfirmon Shërbimi Spitalor Klinik dhe Universitar i Kosovës, teksa i shpreh ngushëllimet familjes së kolegut.

Koçi ishte specialist i Anesteziologjisë dhe Reanimimit dhe ndër të parët mantelbardhë që dha kontribut të çmuar në themelimin e Klinikës së Anestezionit dhe Mjekimit Intensiv në QKUK.

Ai për një kohë ishte edhe drejtor mjekësor në QKUK, duke kontribuar në themelimin dhe mbajtjen e shumë shërbimeve në Kosovën e pasluftës. Në Qendrën Klinike Universitare të Kosovës, Dr. Bajram Koçi punoi edhe si specialist i Anesteziologjisë për shumë vjet.

Gjatë luftës së Kosovës, ai ishte një nga doktorët që mjekoi plagët e qindra luftëtarëve të Ushtrisë Çlirimtare të Kosovës. Familja njofton se Varrimi i Dr. Bajram Koçi bëhet të shtunën ora 14:00, në varrezat e fshatit Polac të Skenderajt.

Njoftim - Shërbimi Spitalor Klinik dhe Universitar i Kosovës

Me dhimbje dhe pikëllim pranuam lajmin për vdekjen e Dr. Bajram Koci, specialist i Anesteziologjisë dhe Reanimimit. Dr. Koci, ishte ndër të parët që dha kontribut të çmuar në themelimin e Klinikës së Anestezionit dhe Mjekimit Intensiv në QKUK.

Për një kohë ishte edhe drejtor mjekësor në QKUK, duke kontribuar në themelimin dhe mbajtjen e shumë shërbimeve në Kosovën e pasluftës.

Në QKUK, punoi edhe si specialist i Anesteziologjisë për shumë vjet. ShSKUK, i shpreh ngushëllime familjes Koci, kolegëve dhe gjithë komunitetit mjekësor për këtë humbje të madhe.

Sondazh

Poll

Lexo gjithashtu

Hapësire reklamuese