Një shpërthim i rëndë ka ndodhur në qytetin e Gjakovës.
Shpërthimi ka ndodhur në fshatin Dobrigje pas mesnatës, ku rreth orës 01:20 një mjet ka shpërthyer dhe ka mbetur i plagsour rëndë një 20-vjeçar.
Burimet për mediat kosovare bëjnë me dije se në vendngjarje kanë mbërritur menjëherë forcat policore, ndërsa dyshohet se i riu e ka shkaktuar aksidentalisht shpërthimin e mjetit. 20-vjeçari është dërguar menjëherë në spital për të marrë mjekimin e nevojshëm.
Për shkak të plagëve të marra, i riu ka hyrë në sallën e operimit dhe më pas është transferuar për mjekim intensiv.
Njoftimi i plotë:
”Sot, rreth orës 01:20, një mashkull rreth 20 vjeç është dërguar për trajtim mjekësor si pasojë e lëndimeve të rënda të shkaktuara nga një mjet shpërthyes. Menjëherë në vendngjarje kanë dalë të gjitha njësitë relevante policore, dhe sipas hetimeve fillestare, dyshohet se viktima, aksidentalisht ka shkaktuar shpërthimin e mjetit në shtëpinë e tij, në fshatin Dobrigje-Gjakovë. Për rastin është njoftuar prokurori i shtetit, në konsultim me të cilin është iniciuar rast “shkaktim i rrezikut të përgjithshëm”.
Sondazh
Lexo gjithashtu
