Pas gjestit të presidentes së Maqedonisë së Veriut, për t’iu referuar vendit vetëm si Maqedoni pati reagime të ashpra nga faktori ndërkombëtar dhe nga vetë Greqia.
Mirëpo, një ndër kandidiatët e mundshëm për kryeministër, Hristian Mickoski ka sfiduar hapur Athinën zyrtare, duke thënë se është e drejtë kushtetuese e vendit që ta quajë vendin si të dojë.
“Prisja që fqinji ynë jugor të na uronte. Përkundrazi, për fat të keq, na treguan krahët e tyre politikë. E drejta ime personale kushtetuese është të zgjedh si ta quaj vendin tim dhe kur të bëj deklarata dhe kur të flas me ju, gazetarët, si unë ashtu edhe unë presim që presidentja Silianovska të përdorë termat Maqedoni dhe maqedonas, si në këtë mënyrë, bazuar në interpretimin tonë të Marrëveshjes së Prespës, nuk ka shkelje të marrëveshjes dhe me këtë rast u bëj thirrje miqve tanë në Greqi të ndalojnë kërcënimet, pengesat, të mos kthehen më në të kaluarën, të shikojnë nga e ardhmja”, tha Hristian Mickoski.
Po ashtu Mickoski i ka kërkuar atyre që mendojnë se është shkelur Marrëveshja e Prespës, të shkojnë t’i drejtohen gjykatës së Hagës.
“Nëse ata mendojnë se ne e kemi shkelur Marrëveshjen e Prespës, le të shkojnë në Gjykatën Ndërkombëtare të Drejtësisë në Hagë. Ata mund të fillojnë një proces dhe aty do të shohim argumentet e njërës palë dhe tjetrës. Do të doja të shkoja atje”, tha Mickoski.
Sondazh
Lexo gjithashtu
