Dy armë janë gjetur të fshehura brenda burgut të Korydallos. Sipas mediave vendase mësohet se njëra nga armët u gjet në fillim të muajit, ndërsa një tjetër u gjet jo më larg se dy ditë më parë, ditën e dielë.
Arma e markës SigSauer 9 m si dhe 15 fishekë u gjetën të gjitha të mbështjella me shirit izolues të fshehura në bodrumin e burgut. Në zonën ku u gjet arma ditën e dielë, përveç orifcerëve të burgut kanë akses edhe të burgosurit të cilët kryejnë punë brenda burgut.
Referuar informacioneve të bëra me dije deri më tani pas dy armëve të gjetura dyshohet se qëndrojnë anëtarët e mafias shqiptare.
Mediat greke raportojnë se oficerët e sigurimit kishin marrë informacione për ekzistencën e dy armëve të ndodhura në magazinën e burgut. Duke përdorur një detektor metali ata kishin gjetur një pistoletë Glock dhe 19 fishekë të fshehura në mur.
Ndonëse në informacionet fillestare që kishin mbërritur në polici flitej për dy armë të fshehura brenda burgut, policia më pas nuk kishte mundur të gjente pistoletën e dytë. Por, më pas ata morën të tjera informacione dhe kryen të tjera kontrolle ku dhe gjetën armën e dytë.
Sondazh
Lexo gjithashtu
