Media prestigjioze britanike BBC përmes një artikulli të zgjeruar ka bërë një analizë ku në përfundim të gjetjeve rezulton se rojet bregdetare greke kanë shkaktuar vdekjen e emigrantëve në Mesdhe.
Sipas një dëshmie të sjellë nga BBC roja bregdetare greke ka shkaktuar vdekjen e dhjetëra emigrantëve në Mesdhe gjatë një periudhe trevjeçare, duke përfshirë nëntë të cilët u hodhën qëllimisht në ujë.
Të nëntë janë në mesin e më shumë se 40 personave që dyshohet se kanë vdekur si pasojë e dëbimit me forcë nga ujërat territoriale greke, ose të nxjerrë përsëri në det pasi arritën në ishujt grekë.
Roja bregdetare greke i tha hetimit të BBC se kundërshton me forcë të gjitha akuzat për veprimtari të paligjshme.
Qeveria greke është akuzuar prej kohësh për kthime të detyruara të emigrantëve duke i shtyrë njerëzit drejt Turqisë, prej nga kanë kaluar, gjë që është e paligjshme sipas ligjit ndërkombëtar.
Por kjo është hera e parë që BBC ka llogaritur numrin e incidenteve që pretendojnë se viktimat kanë ndodhur si rezultat i veprimeve të rojes bregdetare greke. 15 incidentet që BBC analizoi, të datës maj 2020-23 rezultuan në 43 vdekje. Burimet fillestare ishin kryesisht mediat lokale, OJQ-të dhe roja bregdetare turke.
Verifikimi i të dhënave të tilla është jashtëzakonisht i vështirë pasi dëshmitarët shpesh zhduken, ose janë shumë të frikësuar për të folur. Por në katër nga këto raste BBC thotë se ishin në gjendje të vërtetonim rrëfimet duke folur me dëshmitarë okularë.
Sondazh
Lexo gjithashtu
