Hapësire reklamuese

Rajoni

Rithemelimi në Tropojë, Salianji: PS bashkëpunoi me bandat për të fituar zgjedhjet

Shkruar nga Newsbomb
Rithemelimi në Tropojë, Salianji: PS bashkëpunoi me bandat
Deputeti Ervin Salianji

Drejtuesit e grupit të Rithemelimit këtë të dielë kanë zhvilluar takim me demokratët dhe simpatizantët e Berishës dhe Rithemelimit. Fjalën para demokratëve e kanë mbajtur deputetët si Salianji dhe Flamur Noka.

Salianji tha nga Tropoja se PS ka fituar zgjedhjet, duke bashkëpunuar me bandat në mbarë vendin ndërsa demokratët qëndrojnë të bashkuar dhe me parime. Salianji akuzoi kryebashkiaku i Tropojës Rexh Byberi është fryrë nga korrupsioni.

”Tropoja dhe Shqipëria duhet të jenë krenarë për Sali Berishën dhe Azem Hajdarin. Ne i kemi dhënë fund betejave të brendshme, që kanë çuar ujë tek kundërshtari. Gjithçka kemi kaluar duhet të na shërbejë për reflektim. Kemi bërë gabime në përçarje e ne duhet të shikojmë me kujdes gjithçka. Në 11 vite qeverisje të Ramës, gjithçka ka shkuar keq.

PD ka njerëz krenarë, që qëndrojnë në bindjet e tyre. Kryebashkiaku i Tropojës është fryrë nga korrupsioni, kur ishte me PD ishte i keq sipas Ramës, kur u bë me PS qenka i mirë. Ne kemi përmendur Bajrat dhe bandat e tjera në Shkodër, i kemi denoncuar me emra. Pastaj thonë fiton PS. Nëse bëhet luftë bandash, edhe ju që keni mbetur do merrni arratinë.

Ne kemi vendosur të qëndrojmë me vlera. Ne kemi denoncuar Arben Ndokën. E pate Ndokën që bëhej me bandat në gjithë Shqipërinë për të vrarë njerëz. Kontrolli në territor ka qenë i bandave bërë njësh me shtetin, edhe zgjedhjet janë fituar në sajë të bashkëpunimit me banda. Bandat i kanë shërbyer shtetit dhe shteti më pas iu ka shërbyer bandave. PS dhe bandat janë bërë një”, - tha Salianji.

Sondazh

Poll

Lexo gjithashtu

Hapësire reklamuese