Hapësire reklamuese

Rajoni

Përdorte identitetin e një të vdekuri, arrestohet spiuni serb në Kosovë

Shkruar nga Newsbomb
Përdorte identitetin e një të vdekuri, arrestohet spiuni serb
Foto e forcave policore në Kosovë

Një person është prangosur ditën e sotme në Leposaviq të Kosovës, pasi dyshohet se përdorte identitet të rremë për të lëvizur në vend.

Sipas Policisë së Kosovës, i arrestuari ka pasur në posedim 2 karta identiteti, me emër dhe shtetësi të ndryshme, në njërën rezultonte shtetas kosovar, ndërsa në tjetrën serb në momentin që është ndaluar nga policia.

Shtetasi serb i identifikuar si Marko Knezheviç është dërguar në stacionin e policisë në veri të Mitrovicës dhe me urdhër të prokurorit ai është ndaluar për 48 orë.

Autoritetet kosovare bëjnë me dije se kanë ushtruar kontrolle në banesën e të ndaluarit në Mitrovicë të Veriut, ku janë gjetur dokumente të ndryshme e laptop që mund të kontribuojnë në avancimin e hetimeve.

Burime nga autoritetet e sigurisë në Kosovë bëjnë të ditur se po hetohet pista e spiunazhit, pasi ekzistojnë dyshime që ai të jetë i inflitruar nga Serbia.

I arrestuari, mendohet se ka lidhje me ish-shefin e inteligjencës serbe, Aleksandar Vulin, sidomos gjatë kohës kur ky shërbente si udhëheqës i së ashtuquajturës zyra e Serbisë për Kosovë.

Gjithashtu, shtetasi M.K., për një kohë ka shërbyer edhe si gazetar i rrjetit “Mosti”, e cila është një organizatë mediatike në Kosovë në gjuhën serbe.

Sondazh

Poll

Lexo gjithashtu

Hapësire reklamuese