Një 50 vjeçar nga Kosova është dënuar me 20 vite burgim nga gjykata “Meuse Assize” Francë, pasi akuzohet se ka përdhunuar për disa vite radhazi vajzën e tij të mitur.
Media franceze Actu.fr raporton se ai kishte filluar që të abuzonte me vajzën e tij, kur ajo ishte në moshën 13 vjeçare, përkatësisht nga viti 2010 deri në vitin 2020.
Krahas abuzimit të vazhdueshëm seksual, e reja ka qenë edhe viktimë e dhunës fizike dhe ai e kërcënonte atë edhe me jetë.
“Tiran, pervers, manipulues, egocentrik, jashtëzakonisht i ftohtë”,- kështu e përshkroi prokurori i përgjithshëm, Sofian Saboulard, babain e viktimës së abuzimit seksual.
Në vijim të artikullit, media franceze bëjnë me dije se 50 vjeçari i ka mohuar akuza që ishin ngritur ndaj tij. Megjithatë, Gjykata vendosi që ta dënojë atë me 20 vite burgim, ndërsa i është ndaluar edhe hyrja në territorin e Francës.
Në janar të 2023, ai ishte dënuar me 18 vjet burg. Pas një gabimi procedural, ai u lirua disa ditë më vonë në datën 13 shkurt të atij viti, ndërsa u arrestua sërish më datë 25 për të marrë dënimin e plotë.
Sondazh
Lexo gjithashtu
