Ditën e sotme, në Koçan të Maqedonisë së Veriut do të mbahet ceremonia e varrimit të 51 viktimave nga tragjedia e 16 marsit.
Qeveria e Maqedonisë së Veriut ka urdhëruar institucionet shtetërore dhe ka rekomanduar që pushteti lokal dhe kompanitë private nga Koçani t’i lirojnë punëtorët e tyre sot nga detyrimet e punës.
Zëdhënësja e Qeverisë Marija Miteva ka njoftuar mbrëmjen e djeshme për konkluzionet e seancës së jashtëzakonshme të Qeverisë që u mbajt pasditen e së mërkurës.
“Detyrohen institucionet shtetërore dhe rekomandohet që pushteti vendor dhe punëdhënësit e sektorit privat të lirojnë të gjithë punonjësit në zonën e Koçanit nga detyrat e punës dhe të punës, si dhe institucionet shëndetësore, arsimore dhe të kujdesit për fëmijët, domethënë kopshtet, të organizojnë ofrimin e shërbimeve sipas nevojave Zjarrfikësja është e obliguar të ndërmarrë masa dhe aktivitete sipas kompetencave të veta”, thuhet në njoftim.
Kujtojmë se tragjedia në një diskotekë në Koçan ndodhi mëngjesin e 16 marsit, ku një zjarr i tmerrshëm i mori jetën 61 personave dhe mbi 150 të tjerë u lënduan. Lidhur me këtë ngjarje, autoritetet gjyqësore kanë caktuar masën e paraburgimit afatshkurtër për 16 persona.
Sondazh
Lexo gjithashtu
