Presidenti i Republika Srpska, Milorad Dodik, tha se ai nuk do të rekomandonte askënd që të përpiqet ta arrestojë atë.
Dodik ka dekaruar se sipas Kushtetutës, ai mbrohet nga policia e Republikës Srpska dhe forcat speciale të trajnuara mirë, duke theksuar se nuk mund ta arrestojnë pasi do të mbrohet.
"Unë besoj se ata nuk mund të më arrestojnë. Sipas Kushtetutës, unë jam i ruajtur nga policia e Republika Srpska dhe forcat speciale të trajnuara mirë që u shpërblyen së fundmi në një konkurs të madh ndërkombëtar në Dubai," tha Dodik, raportojnë mediat vendase.
Bëhet fjalë për forcat speciale besnike të Republikës Srpska, të cilat "besojnë se persekutimi i Milorad Dodik si president përbën persekutim të Republikës Srpska".
"Kjo është arsyeja pse unë nuk do t'i rekomandoja askujt nga Sarajeva ta provonte. Ne do të mbrohemi," tha Dodik.
Dodik vlerësoi se Perëndimi bëri diçka të mirë në situatën aktuale në Bosnje dhe Hercegovinë, e cila është të vendosë një vijë midis Republika Srpska dhe myslimanëve.
“Nuk kemi ndërmend të shkojmë në një ent tjetër dhe çdo përpjekje e tillë e Federatës së Bosnjë-Hercegovinës drejt Republikës Srpska do të ishte e dënuar me dështim”, tha presidenti i Republikës Srpska.
Sondazh
Lexo gjithashtu
