Mediat greke kanë bërë një shkrim të gjatë, ku thuhet se shqiptarët pastrojnë paratë e krimit nëpërmjet lavazheve në zona të ndryshme të Greqisë.
Sipas Drejtorisë së Përgjithshme të Policisë së Atikës shprehen se lavazhet nga mafia shqiptare përdoren për “pastrim parash”.
“Ky aktivitet i veçantë ekonomik ofrohet fjalë për fjalë për “pastrim”: Është një ofrim i paprekshëm shërbimesh dhe mafia shqiptare, e cila kontrollon aktivitetet kriminale si droga dhe prostitucioni, ka gjetur një mënyrë të re për të “pastruar” shuma të mëdha parash.
Ka lavazhe që raportojnë deri në 500 makina në ditë, sidomos në periferitë jugore. Dhe kur nuk lahen, atëherë i shmangen taksave, pasi nuk u presin asnjëherë faturat klientëve të njohur”, thuhet në deklaratën e tyre.
Shkrimi i plotë i medias greke:
Në një lavanderi në zonën e Glyfadës së poshtme, e cila ndodhet pranë një restoranti luksoz, më shumë se 300 makina, shumica ultra luksoze dhe me targa të huaja, të cilat “lahen” çdo ditë.
Një tjetër lavazh në të cilin është evidentuar ekzistenca e “dorës së padukshme” të mafias shqiptare në të njëjtën zonë por në Glyfadën e sipërme, është identifikuar se kishte marrëdhënie me organizata kriminale.
Janë identifikuar tre “qendra larëse” të tëra shqiptare, me prova të forta, në zonën e Pireut dhe dy të tjera në Petrou Ralli, dy në Mesogeia dhe një tjetër në Nikaia, si dhe dy të tjera, një në Ilioupoli dhe një në periferitë veriore.
Në të gjitha rastet, në licencimin e tyre përfshihen njerëz të pushtetit vendor, ndërkohë që në asnjë rast pronarët, shqiptarë apo të huaj të tjerë, nuk kanë “lidhjeje” me investimin, që shpesh shkon deri në qindra mijëra euro.
Gjithashtu, në dy raste, punëtorët shqiptarë të lavazheve janë konstatuar se janë të lidhur me bandat e vjedhjeve të makinave, të cilat i “stampojnë” në lavazhe dhe më pas i vjedhin teksa kopjojnë çelësat.
Gjithashtu, ka të dhëna të qarta se pronarët e padukshëm janë të dënuar shqiptarë që kontrollojnë bizneset nga burgu.
Po hetohet edhe çështja e përfshirjes apo korrupsionit të drejtuesve të pushtetit vendor, por edhe të zyrtarëve të ELAS-it të Drejtorive vendore, pasi pothuajse në të gjitha rastet ka raste të shkeljeve flagrante urbanistike dhe shëndetësore, për të cilat mbyllin sytë.
Sondazh
Lexo gjithashtu
