Kuvendi i Kosovës do të mblidhet sot në orën 10:00 për herë të 17-të, në përpjekje për t’u konstituuar, pas zgjedhjeve të mbajtura më 9 shkurt.
Gjashtëmbëdhjetë seancat e mëparshme nuk kanë arritur të prodhojnë rezultat sa i përket zgjedhjes së kryetarit të ri të Kuvendit.
Lëvizja Vetëvendosje ka dështuar disa herë në përpjekjet për të formuar një komision për votimin e fshehtë të kandidaturës së Albulena Haxhiut për kryetare të Kuvendit, pasi ajo nuk ka arritur të zgjidhet në gjashtë raunde votimi të hapur.
Ndërkohë, Aleanca për Ardhmërinë e Kosovës ka dorëzuar javën e kaluar në Gjykatën Kushtetuese mënyrën e fshehtë të votimit që po kërkon LVV-ja në Kuvend.
Edhe një takim i zhvilluar këtë javë ndërmjet presidentes Vjosa Osmani dhe kryetarëve të partive për të gjetur një zgjidhje për krizën aktuale politike ka përfunduar pa ndonjë rezultat konkret.
Sondazh
Lexo gjithashtu
