Hapësire reklamuese

Çështjet kryesore

Rajoni

Kurti takohet me shefen e diplomacisë së BE: I kërkova që Serbia të dorëzojë terroristin Milan Radoiçiç

Shkruar nga Newsbomb
Kurti takohet me shefen e diplomacisë së BE: I kërkova që
Foto nga takimi

Kryeministri i Kosovës, Albin Kurti është takuar me shefen e re të diplomacisë të Bashkimit Europian, Kaja Kallas.

Kurti shprehet se kanë diskutuar për çështjet e progresit të Kosovës sa i përket integrimeve evropiane. Ai po ashtu shkruan se ka kërkuar që Serbia të dorëzojë terroristin Milan Radoiçiç tek autoritetet e Kosovës, si organizatorin e sulmit në Banjskë më 24 shtator të vitit të kaluar.

“Në takim diskutuam çështjet e progresit të Kosovës sa i përket integrimeve evropiane, por edhe raportet me fqinjin tonë verior. Theksova se kemi pasur rritje ekonomike dhe progres demokratik të paparë në Kosovën e pavarur dhe njëkohësisht kemi menaxhuar sfidat më të rënda të sigurisë, kërcënimet më serioze të cilat rezultuan me vrasjen e rreshterit Afrim Bunjaku.

Kryekrimineli i bandës që kreu sulmin në Banjskë – mbahet i lirë dhe mbështetet nga Serbia. Ne kërkuam, si në çdo takim tjetër, dorëzimin e Radoiçiçit tek autoritetet e Kosovës pasi Prokuroria tani ka aktakuzë prej 160 faqësh dhe grupin e tij prej mbi 40 personave”, ka thënë Kurti.

Sondazh

Poll

Lexo gjithashtu

Hapësire reklamuese