Kryeministri në detyrë, Albin Kurti duket se ka rënë pre e dy rusëve të njohur si Vovan dhe Lexus, duke menduar se po komunikonte në telefon me presidentin e Letonisë.
Dy komedianët rusë i janë prezantuar Kurtit duke iu paraqitur si presidenti i Letonisë, Edgar Rinkevics, duke folur për zgjedhjet në Kosovë, për dialogun me Serbinë, emisarin amerikan, Richard Grenell, e çështje të tjera.
Ky skandal ka shkaktuar reagime të shumta nga politikënët në Kosovë si dhe debate në rrjet.
Sekretarja e Përgjithshme e PDK-së, Vlora Çitaku në një reagim tha se të biesh në grackë nuk është e turpshme sepse për këtë do të duhej të kujdesej kabineti i tij, por skandaloze e konsideroi përmbajtjen e asaj bisede.
“E dëgjova bisedën ku Kryeministri Kurti kishte rënë në grackën e komedianëve rusë, duke besuar se po fliste me Presidentin e Letonisë. Të biesh në grackë nuk është pjesa më e turpshme, për këtë duhej të kujdesej kabineti i tij. Por ajo që është vërtet e turpshme dhe skandaloze është përmbajtja e asaj bisede. Kryeministri e shfrytëzon këtë “takim” për të sulmuar opozitën, mediat, bizneset, madje edhe administratën e re amerikane”.
Ajo thotë se e gjithë biseda “nxjerr në pah një nivel shqetësues sipërfaqësor dhe të paditur në trajtimin e çështjeve të politikës së jashtme”.
“Dhe nëse kjo është mënyra se si Kurti flet në takime me liderë ndërkombëtarë, atëherë… mozomakeq për ne. Mjerim”, ka shkruar ajo.
Sondazh
Lexo gjithashtu
