Pas dy seancave të dështuara, Kuvendi i Kosovës ka miratuar me vota unanime raportin e Komisionit të Përkohshëm për Verifikimin e Mandateve.
Raporti i miratuar konfirmon vlefshmërinë e mandateve të deputetëve të rinj të zgjedhur në zgjedhjet e fundit parlamentare dhe i hap rrugë zhvillimit të pikës së dytë në rendin e ditës: betimit të deputetëve.
Ditën e sotme po zhvillohet seanca e tretë konstituive për formimin e legjislaturës së re, pas dështimit të dy tentativave të mëparshme.
Presidentja Vjosa Osmani e ka thirrur këtë seancë pas certifikimit të rezultateve të zgjedhjeve të 9 shkurtit. Në këtë seancë, deputetët pritet të zgjedhin Kryesinë e Kuvendit, përfshirë Kryetarin dhe pesë nënkryetarët.
Pas konstituimit të Kuvendit, do të fillojë procedura për formimin e Qeverisë, ku Presidentja do të propozojë kandidatin për Kryeministër në konsultim me partinë fituese .
Sondazh
Lexo gjithashtu
