Në Selanik është zbuluar rasti i parë i infektimit me metapneumovirusin njerëzor (HMPV), një virus që ka shkaktuar shqetësime të mëdha në Kinë gjatë javëve të fundit.
I infektuari është një 71-vjeçar, i cili aktualisht ndodhet i shtruar në spitalin Papanikolaou, një institucion i njohur për trajtimin e sëmundjeve të mushkërive. Sipas raportimeve nga televizioni Open, priten deklaratat zyrtare nga mjekët që po e trajtojnë pacientin.
Burimet tregojnë se vajza e pacientit kishte udhëtuar në Kinë gjatë festave të fundvitit dhe pas kthimit, babai i saj filloi të shfaqë simptomat. Fillimisht ai kërkoi ndihmë në një klinikë private, por më 3 janar u shtrua në spital për trajtim të mëtejshëm.
Pas një testi PCR të kryer të shtunën, rezultatet e së hënës konfirmuan praninë e virusit HMPV. Ky është një virus i njohur për mjekët, që aktualisht është në qendër të vëmendjes globale për shkak të përhapjes së tij në disa vende.
Sondazh
Lexo gjithashtu
