Detaje të reja kanë dalë në dritë nga aksidenti i ndodhur mbrëmjen e 6 dhjetorit në Breshia të Italisë, ku humbi jetën tragjikisht shqiptarja Adela Xhaferri.
Automjeti me të cilin po udhëtonte e reja shqiptare rrëshqiti dhe doli nga rruga. Pas aksidentit ajo doli nga mjeti, por fatkeqësisht një automjet tjetër që po vinte me shpejtësi e përplasi dhe si pasojë humbi jetën në vend.
Siç bëjnë me dije mediat italiane, 27-vjeçarja shqiptare mbrëmjen e 6 dhjetorit përfundoi turnin e punës në pastiçerinë Dolce Notte në via Lechi të Breshias.
Jashtë po e priste i dashuri i saj me makinë për ta shoqëruar në shtëpinë e tij në Rovato.
Duke dalë nga unaza jugore e qytetit, në zonën e Travagliato, në kryqëzimin me A-35, automjeti me të cilin po udhëtonin çifti rrëshqiti dhe si pasojë përfundoi jashtë rrugës. Si pasojë e aksidentit ata nuk pësuan lëndime, mirëpo sapo shqiptarja doli nga mjeti i përmbysur, një tjetër automjet po vinte drejt saj dhe e përplasi.
Fatkeqësisht Adela Xhaferri humbi jetën në vendin e ngjarjes. Policia italiane po punon për zbardhjen e plotë të këtij aksidenti, ndërkohë deri më tani mendohet se dy të rinjtë nuk kishin konsumuar alkool.
Sondazh
Lexo gjithashtu
