Një shqiptar është ekstraduar nga Britania e Madhe në Itali. Sipas mediave italiane mësohet se Sajmir Oruci, 35-vjeç, është ekstraduar drejt Italisë.
35-vjeçari u arrestua në dhjetor të vitit të kaluar në Mançester pas një urdhër-arresti evropian dhe do të duhet të vuajë një dënim total prej 25 vitesh burg pasi akuzohet për veprat penale “përndjekje”, “rrëmbim”, “sulm i rëndë seksual” si dhe dhunë seksuale në grup ndaj një vajze, që në kohën e ngjarjes ishte e mitur.
Ngjarja e fundit daton në vitet 2015-2016, periudhë në të cilën shqiptari banonte në Besana Brianza . Për këto krime ai u dënua fillimisht nga Gjykata e Monzës me 12 vjet e 6 muaj . Më pas, dënimi u akumulua me dënime të tjera të dhëna nga gjykatat e Lecco-s dhe Milanos për krimet e vjedhjes së rëndë dhe rezistencës ndaj një zyrtari publik , duke arritur në total 25 vjet .
Hetimet italiane u kryen nga Njësia Hetimore Karabiniere e Komandës Provinciale të Monzës dhe Brianzës , e cila ka shfrytëzuar bashkëpunimin e Shërbimit për Bashkëpunimin Ndërkombëtar Policor të Drejtorisë Qendrore të Policisë Kriminale dhe Interpol Mançester. Lokalizimi i shqiptarit u bë në Oruci në Angli, ku dhe tashmë ishte arrestuar në nëntor të 2023 për prodhim dhe tregtim të lëndëve narkotike.
Falë krahasimit të fotografive dhe gjurmëve të gishtërinjve , identiteti i tij u konfirmua. Pas këtyre procedurave, Karabinierët e Njësisë së Hetimit në Monza Brianza kërkuan dhe morën lëshimin e një urdhër-arresti evropian nga Prokuroria Publike e Monzës.
Urdhri u ekzekutua më 3 dhjetor , duke çuar në ekstradimit e sotëm drejt Italisë të 35-vjeçarit shqiptar.
Sondazh
Lexo gjithashtu
